Најмалку 22 новинари се убиени откако почнаа борбите меѓу Израел и Хамас на 7 октомври, според Комитетот за заштита на новинарите (ЦПЈ). Во оваа бројка се вклучени 18 Палестинци, тројца Израелци и еден Либанец, додаде Комитетот.

ЦПЈ припишува 15 од овие смртни случаи на израелски воздушни напади и два на напади на Хамас во Израел. Дополнително, осум новинари се повредени и тројца се исчезнати или уапсени, се вели во соопштението на Комитетот.

„ЦПЈ нагласува дека новинарите се цивили кои вршат важна работа во време на криза и не смеат да бидат цел на завојуваните страни“, кажа портпарол на ЦПЈ.