Најмалку 36 лица загинаа во шумските пожари на хавајскиот остров Мауи, соопштија властите. Смртните случаи се регистрирани во градот Лахаина, главната туристичка дестинација на островот. Силните ветрови од ураганот, кој е на поголема оддалеченост, ги разгореа пламените, а изгореа цели населби.
Илјадници луѓе беа принудени да ги напуштат своите домови и прогласена е вонредна состојба. Во тек се акции за спасување, има и исчезнати лица.
„Едвај успеавме да избегаме на време“, изјави жител кој во вторникот побегна во засолниште со семејството. „Беше толку тешко да седам таму и само да гледам како мојот град гори во пепел и да не можам да направам ништо. Бев беспомошен“, рече тој.
Пет засолништа се отворени на Мауи, а официјални лица претходно изјавија дека биле претрупани со луѓе. Островот е популарна туристичка дестинација и има апел до туристите да не доаѓаат.
„Ова не е безбедно место“, изјави гувернерката на Хаваи Силвија Лук.
