Владимир Путин ја повика меѓународната заедница на нормализирање на односите со Русија и им порача на своите соседи да не ја влошуваат ситуацијата со дополнителни санкции.
„Немаме лоши намери кон нашите соседи. Сметаме дека нема потреба да преземаат дополнителни акции со кои би ги влошиле нашите односи, ние ги исполнуваме нашите обврски. Мислам дека сите треба да размислат како да ги нормализираме односите и да соработуваме. Оние кои ќе одбијат да соработуваат ќе и наштетат на Русија, но и на себеси“, изјави Путин.
Тој додаде дека руската економија ќе се прилагоди на сегашната ситуација.
„Земјата развива нови способности и проекти за да се справи со проблемите кои се пред нас. На крајот, ќе имаме корист од овие санкции“, кажа Путин.
Голем број земји, вклучувајќи ја и неутралната Швајцарија, се придружија кон санкциите за Русија, кои првенствено се насочени кон нејзините финансии и економија.
