Новинарка на Ал Џазира е убиена од израелската армија во окупираната територија Западен Брег, соопштија катарската телевизија и палестинското министерство за здравство.

Шерин Абу Аклех беше застрелана додека известуваше за рација на израелската армија во градот Џенин, велат од Ал Џазира. Таа беше една од најпознатите новинарки во Блиски Исток.

Израелската армија вели дека новинари можеби биле погодени за време на судир на нивните сили со палестински вооружени лица.
Уште еден новинар е повреден, но е во стабилна состојба.