Времињата се сменија, новите британски пари се пластични. Новата банкнота од пет фунти, пуштена во промет денеска, е направена од силен полимер и може да издржи перење во машина за перење без да се распарчи како хартиените банкноти што ги заменува.

Банкнотата ги има сите потребни карактеристики за заштита од фалсификување и функционери од Банката на Англија велат дека ќе биде почиста, посигурна и посилна од хартиените пари. Но, не е се модерно на новата пара: портретот на новата банкнота од пет фунти е од воениот премиер Винстон Черчил, кој се уште е еден од најценетите британски државници.

Во промет ќе бидат пуштени околи 440 милиони нови банкноти, а во наредните години ќе бидат воведени пластични банкноти од 10 и 20 фунти.