Унгарскиот премиер Виктор Орбан се сретна со легендарниот американски актер Чак Норис при неговата посета на Будимпешта и потоа го одведе на тренинг на елитна противтерористичка единица.

Седумдесет и осумгодишниот Норис допатува во Унгарија за да присуствува на отворањето на баптистичка хуманитарна организација.

Само ден откако изјави дека „нема време да дише, а камоли да се занимава со Никола Груевски“, кој доби азил во Унгарија, Орбан лежерно се дружеше со филмскиот акционен херој, кој, исто така, е познат по конзервативни ставови. Орбан лично ги одвезе Норис и неговата сопруга на тренинг на унгарските командоси, според видеото објавено денеска на неговата официјална страница на Фејсбук.

„Имам читано многу за вас, па имам чувство како одамна да ве познавам“, му кажа Норис на Орбан, кој на тоа додаде дека „90% од медиумските извештаи за него се негативни затоа што мрази либерали“.