Кина денеска остро ја критикуваше планираната интервенција на американскиот претседател Доналд Трамп во нафтената индустрија на Венецуела.
„Скандалозната употреба на сила против Венецуела од страна на САД и барањето да управува со нејзините нафтени ресурси според принципот ‘Америка на прво место’ претставуваат вознемирување, кршење на меѓународното право и штета на правата на венецуелскиот народ, изјави портпаролот на Министерството за надворешни работи, Мао Нинг.
Венецуела има целосен суверенитет над своите минерални ресурси и економски активности, рече Мао, нагласувајќи дека правата и интересите на Кина во земјата исто така мора да бидат заштитени.
Кина е сојузник на Венецуела и е најголемиот купувач на нафтата на јужноамериканската земја.
Во објава на неговата платформа Трут соушал, вчера Трамп рече дека привремената влада на Венецуела ќе им предаде помеѓу 30 и 50 милиони барели „санкционирана нафта“ на САД.
Американскиот претседател рече дека ќе ги контролира приходите за да се осигури дека ќе бидат искористени „во корист на народот на Венецуела и САД“.
САД нападнаа цели во Венецуела на 3 јануари, при што ги заробија авторитарниот лидер Николас Мадуро и неговата сопруга Силија Флорес поради наводни прекршоци поврзани со дрога и ги отстранија од земјата. По операцијата, Трамп рече дека САД привремено ќе управуваат со Венецуела. Претседателот на САД претходно го истакна економскиот потенцијал на нафтената индустрија во земјата, велејќи дека големите американски нафтени компании ќе инвестираат за поправка на инфраструктурата и развој на производството.
