Голем број водечки сајтови и апликации на светот паднаа денеска, вклучувајќи и медиуми, што се поврзува со проблеми со нивниот провајдер „Фестли“.
Во одреден дел од денот не можеше да се влезе во сајтовите на Би-Би-Си, Си-Ен-Ен, „Гардијан“, „Индипендент“, „Фајненшл тајмс“, „Њујорк тајмс“., како и на британската влада. Не работеше и страницата на „Амазон“, а не можеше да се пристапи и на апликациите Твич и Редит.
„Фестли“, кој ги одржува сите овие сајтови, објави дека испитува проблеми во својата мрежа за глобална испорака на содржини. По некое време, сајтовите повторно почнаа нормално да работат.
