Московскиот суд ги прогласи активностите на Фејсбук и Инстаграм, чиј сопственик е „Мета“, за екстремистички и ги забрани нивните операции во Русија.

„Го одобруваме барањето за забрана на активностите на ‘Мета‘“, изјави судијката Олга Солопова.

Канцеларијата на јавниот обвинител соопшти дека на двете социјални мрежи се објавуваат екстремистички содржини, посочувајќи ги дозволените повици за насилство против руските граѓани, вклучувајќи ја војската ангажирана во Украина.

Пристапот кон Фејсбук и Инстаграм веќе беше ограничен во земјата поради ширењето на „лажни вести“ за војната во Украина.

Судијката кажа дека забраната не се однесува на апликацијата Вотсап, која исто така е сопственост на „Мета“.