„Џонсон и Џонсон“ е третата вакцина против ковид-19 чија употреба беше одобрена од американските регулатори и прва за која е потребна само една доза. Таа се смета за поевтина алтернатива на вакцините на „Фајзер“ и „Модерна“ и може да се чува во обичен фрижидер, место на многу ниски температури.

Тестирањата покажаа дека таа дава 85-процентна заштита од сериозни облици на ковид-19, а севкупно, нејзината ефективност изнесува 66%. Вакцината е производство на „Јансен“, холандската подружница на американската компанија „Џонсон и Џонсон“.

Таа ќе почне да се користи во САД најрано до крајот на следната недела, 200 милиони дози нарача Европска Унија, а 500 милиони ќе бидат распределени преку Ковакс иницијативата.

„Џонсон и Џонсон“ соопшти дека ќе побара итно одобрување на вакцината и од ЕУ и СЗО.