САД НИКОГАШ НЕМА ДА ВОВЕДАТ КОВИД ПАСОШИ, ВЕЛИ БЕЛАТА КУЌА

    САД НИКОГАШ НЕМА ДА ВОВЕДАТ КОВИД ПАСОШИ, ВЕЛИ БЕЛАТА КУЌАЏо Бајден кажа дека од 19 април сите полнолетни Американци ќе може да се вакцинираат против ковид-19 (Фото: АП)

    Белата куќа ја отфрли идејата за воведување задолжителни федерални ковид пасоши како доказ за вакцинирање, велејќи дека приватноста и правата на граѓаните треба да бидат заштитени.

    Шемата за воведување вакви сертификати се разгледува низ цел свет како начин за безбедно патување во време на пандемија, додека критичарите ја опишуваат како дискриминирачка. САД велат дека нема да поддржат систем кој бара од Американците да носат акредитиви.

    „Нема да има федерална база на вакцинираните во САД, ниту пак од некого ќе се бара да поседува федерален доказ за вакцинираност. Владата никогаш нема да поддржи систем кој бара од Американците да носат акредитиви. Приватноста и правата на американските граѓани мора да бидат заштитени, а таков систем ги прави нерамноправни“, изјави портпаролката на Белата куќа, Џен Псаки.

    Велика Британија развива привремени потврди за ковид статус, кои ќе овозможат присуство на концерти и спортски натпревари. Европска Унија исто така најави воведување на „дигитален зелен сертификат“ со цел да се овозможи слободно патување летово, додека во Израел сите кои се целосно вакцинирани поседуваат „зелена потврда“.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира