Северна Кореја и натаму тврди дека има совршен успех во чувањето од коронавирусот, како што навела во нов извештај на Светската здравствена организација. СЗО кажа дека Пјонгјанг ја известил дека до 1 април направил 23.121 тестирање за коронавирус и сите биле негативни.

Експертите веруваат дека е малку можно дека Северна Кореја целосно се спасила од пандемијата, имајќи ги предвид слабата здравствена инфраструктура и порозната граница со Кина, нејзиниот најголем економски сојузник.

За време на пандемијата, Северна Кореја значително го ограничи прометот преку границата, забрани влез за туристи и стави илјадници луѓе во карантин кои покажувале симптоми.

Северна Кореја оваа недела стана прва земја која го откажа настапот на Олимписките игри во Токио поради грижите околу коронавирусот.