Анегрет Крамп-Каренбауер, која важи за штитеничка и наследничка на Ангела Меркел, е именувана за нов министер за одбрана на Германија. Таа ја презеде оваа функција само ден откако досегашната министерка Урсула фон дер Лајен беше потврдена за нов претседател на Европската комисија.
Често нарекувана Мини-Меркел, 56-годишната Крамп-Каренбауер кон крајот на минатата година ја наследи Ангела Меркел на чело на Христијанско-демократската унија, поради што многумина ја гледаат како фаворит за иден канцелар.
Ова ќе биде прва министерска работа за Крамп-Каренбауер, која е една од водечките фигури во германската политика.
