Неколку месеци по парламентарните избори во Данска, актуелната премиерка Мете Фредериксен објави дека постигнала договор за формирање малцинска влада на левиот центар.

Дванаесет партии освоија пратенички места на изборите во март, најмногу Социјалдемократите на Фредериксен, но и покрај тоа, тоа беше нивниот најслаб изборен резултат од 1903 година. Фредериксен, која зад себе веќе има два мандата како премиерка, кажа дека ќе ја претстави својата нова влада утре.

Со 21,9% добиени гласови, Социјалдемократите изборија само 38 пратенички места, далеку од потребните 90 за да имаат мнозинство. Фредериксен договори коалиција со уште три партии. Данската државна телевизија „ДР“ соопшти дека земјата помина 69 дена без нова влада.

Покрај спорот со САД околу Гренланд, новата влада ќе мора да одговори и на домашните проблеми, вклучувајќи ги правата на животните, високото ниво на пестициди во водата за пиење поради свињарството и влијанието на земјоделството врз климата.