Србија воведува нови строги мерки, вклучувајќи и полициски час, откако денеска беше регистрирана најголемата бројка новозаразени со коронавирусот од почетокот на епидемијата.
Посочувајќи дека ситуацијата е најалармантна во Белград, претседателот Александар Вучиќ објави дека од утре се забрануваат сите собири со повеќе од пет луѓе, како на отворено, така и во затворено, а од петок до понеделник на сила ќе биде полициски час.
Во изминатите 24 часа, во Србија се потврдени 299 нови случаи на коронавирус и починаа 13 лица.
„Денеска е најтешкиот ден од почетокот на епидемијата, имаме 13 починати. Моментално повеќе од 120 пациенти се на респиратор. Ситуацијата во Белград е алармантна“, изјави Вучиќ.
Тој ги повика граѓаните да не бидат себични за да се зачува здравствениот систем, додавајќи дека најтешката фаза се очекува после 1 номеври.
