Тројца американски војници загинаа за време на напад со дрон на американските сили во Јордан, близу границата со Сирија, ноќта во саботата.
Во соопштение објавено денеска, американскиот претседател Џо Бајден кажа дека во тек е истрага за нападот, но САД знаат дека нападот е извршен од радикални милитантни групи кои оперираат во Сирија и Ирак, поддржани од Иран.
Бајден додаде дека многу други се повредени.
Најмалку 34 војници се прегледуваат за можни повреди на мозокот, според американските власти. Ова се први жртви на американската војска во регионот откако почна војната во Газа на 7 октомври.
