Рускиот парламент одобри реформа на уставот што ќе му овозможи на Владимир Путин да остане на власт уште 12 години откако ќе му истече сегашниот претседателски мандат во 2024 година.

За предложените амандмани ќе се гласа на национален референдум закажан за 22 април.

Шеесет и седумгодишниот Путин е на власт во Русија повеќе од 20 години. Откако во два мандата беше претседател, тој стана премиер во 2008, по што уште двапати победи на претседателските избори, откако мандатот во меѓувреме беше зголемен од четири на шест години.

Уставните измени ќе му овозможат на Путин уште двапати да се кандидира за претседател по 2024 година, при што претседателските овластувања и дополнително ќе бидат зајакнати.