Владимир Путин предупреди на сложени и вонредни сценарија во Русија поради пандемијата на коронавирусот, откако во земјата вчера биле регистрирани 2.558 новозаразени, што е најголема бројка во еден ден досега. Московските власти најавија дополнително заострување на мерките во градот.

„Ситуацијата се менува секој ден и, за жал, не на подобро. Следните неколку недели ќе бидат клучни за Русија. Дефинитивно не смееме да се опуштиме“, изјави Путин.

Бројот на заразени во Русија порасна на 18.328, од кои 148 починале.

„Мора да ги разгледаме сите сценарија за тоа како ситуацијата би можела да се развива, дури и оние најсложени и вонредни“, кажа Путин.

Предупредувањата на Путин следуваат додека бројката заразени на светско ниво се ближи кон два милиона, но се верува дека таа е далеку повисока. Претседателот Александер Лукашенко и натаму тврди дека во Белорусија има нула случаи на зараза.

Минатата недела, Кина ги затвори преостанатите копнени гранични премини со Русија, најавувајќи дека таа е следната земја која ќе биде сериозно погодена од пандемијата.