Расте бројот на лица позитивни на ковид-19 во Свети Николе, денес се регистрирани 22 нови случаи, со што  активни се 165.

„Од новозаразените се 18 вработени од модната конфекција која е затворена и 4 лица се нивни блиски, членови на семејствата“, изјавија од Центарот за јавно здравје Велес, подрачна единица Свети Николе.

Сите 850 вработени во двете конфекциски фабрики се тестирани за коронавирусот. Поради тоа тие нема да работат до понеделник, до кога се очекува да стигнат сите резултати од тестираните вработени.

„Од двете фабрики, 80 отсто од позитивните случаи се асимптоматски, доколку не го направевме скринигот заразата ќе се ширела во погоните. Одлуката што ја донесовме за скринингот е добра и во моментов чекаме резултати за останатите работници“, изјави за директорот на двете конфекции.

Дел од заразените од Свети Николе се сместени на Инфективна клиника во Штип, дел на Инфективно одделение од Велешката болница.

П.ПЕЧКОВ