Предметот „ТНТ“ за уривањето на објектот „Космос“ на бизнисменот Фијат Цаноски денеска продолжи со презентација на дел од материјалните докази на обвинителството, претходно селектирани од обвинителот, а по барање на одбраната, соопшти Основниот кривичен суд. Од Кривичниот суд велат дека ваквиот начин на презентација е со цел економичност на постапката, со оглед на тоа што истите докази веќе беа презентирани пред судењето да почне од почеток заради измена на судечкиот совет.
„За главната расправа насрочени се повеќе термини во следниот период со цел да се даде поголем интензитет на судењето“, велат од Кривичиот суд.
М. ИЛИОСКИ
