Тројца пациенти позитивни на ковид-19 починаа на Инфективното одделение во Велешката болница изминатото деноноќие. Еден е жител на Велес, една жена е од Градско и пациент од Стари град – Чашка. Со ова вкупно починати од коронавирус  во Велешко има 36, од кои дваесет во последните 14 дена.

„Вчера попладне почина пациент од Велес на 82 години со хипертензија и хронична аанемија, лекуван 15 дена. Утринава почина 82-годишна жена од Градско, лекувана три дена на Одделението, во тешка општа состојба, со ниска сатурација, претходно лекувана од хипертензија. Третиот починат пациент е маж на 86-годишна возраст од село Стари град, исто така примен на Одделението пред три дена, со ниска сатурација, без други пропратни заболувања“,  рече д-р Весна Николовска-Неделкова, портпаролка на Општата болница во Велес.

На Инфективното одделение хоспитализирани се 50 пациенти, 43 се потврдено позитивни, седум се сомнителни со симптоми кои чекаат резултати од земен брис, а 16 пациенти се на кислородна поддршка.

П. ПЕЧКОВ