Свет опфатен со секаква катастрофа – природна и неприродна катастрофа, насилен и ненасилен конфликт – е светот што фотографите на Асошиетед Прес го фатија во 2020 година. И, во секој агол на тој свет, коронавирусот.
Светот страдаше во 2020.
Наезда пустински скакулци летаат од земјоделските култури во селото Катитика во округот Китуи во Кенија, во јануари 2020. Во најтешката наезда последниве 25 години, стотици милиони инсекти влегоа во Кенија од Сомалија и Етиопија, уништувајќи земјоделско земјиште и се закана во веќе ранливиот регион. (Фото: АП)
Патики и дрес на Лос Анџелес Лејкерс со бројот 8 што го носеше НБА ѕвездата Коби Брајант, беа поставени на меморијалот за Брајант во Лос Анџелес на 2 февруари 2020, една недела откако тој загина во хеликоптерска несреќа. (Фото: АП)
Франциско Еспана гледа на Средоземното Море од шеталиштето до болницата Дел Мар во Барселона, Шпанија, во септември 2020. По 52 дена поминати во Одделот за интензивна нега на болницата поради коронавирусот, на Франциско лекарите му дозволија да поседи десет минути на море како дел од неговата терапија за закрепнување. (Фото: АП)
Дете кое носи маска за заштита од коронавирус се одмора на брегот на реката Јангце во Вухан, во провинцијата Хубеи во централна Кина во април 2020. (Фото: АП)
