Кире Лазаров имаше деби од сништа како селектор на машката ракометна репрезентација откако во продолжението на квалификациите за Европското првенство во 2022 беше совладан актуелниот олимписки и светски првак Данска со 33:29.

Лазаров ја воскресна репрезентацијата по дебаклот на неодамнешното Светско првенство во Египет и враќајќи прославени имиња во тимот, што на теренот, што во стручниот штаб, им даде дополнителен мотив на играчите да се надминат себеси и да ја остварат една од најголемите победи за македонскиот ракомет воопшто.

Лазаров, кој дебитираше за репрезентацијата уште во минатиот век, продолжи да ги тресе противничките мрежи и како селектор, завршувајќи го мечот со четири гола, а извонредна вечер имаше голманот Митревски, кој придонесе со 13 одбрани.

Македонија е лидер во групата 7 со шест освоени бода, пред реваншот со Данска, што се игра в недела во Олборг.