Владимир Путин денеска ќе се вакцинира против ковид-19, но Кремљ нема да го открие името на вакцината што ќе ја прими.

„Намерно нема да го кажеме името на вакцината, сакајќи да потенцираме дека сите три руски вакцини против ковид-19 се безбедни и делотворни“, изјави портпаролот Дмитри Песков.

Тој додаде дека Путин веројатно ќе се вакцинира во вечерните часови и тоа со една од вакцините создадени во Русија.

„На него не му се допадна идејата да се вакцинира пред камери. Тој веќе стори доволно за промоцијата на руските вакцини“, кажа Песков.

Најпозната од нив е „Спутник В“, а Москва ја одобри и употребата на „ЕпиВакКорона“ и „КовиВак“.