Годинава, Општина Велес ќе продава 38 градежни парцели, а 13  ќе нуди под краткотраен закуп. Ова е одлука на Советот на Општина Велес со која се проценува дека во општинскиот буџет ќе има финансиски прилив од околу 12 милиони денари (околу 195.000 евра).

Со програмата е предвидено да се продаваат градежни парцели за хотели, мотели, кампови за шатори и приколки покрај Езеро Младост, потоа парцели за станбени куќи, згради во нови урбани блокови, како и парцели за лесна индустрија, стоваришта и сервиси во индустриските зони. Градежните парцели кои ќе се изнајмуваат се покрај Езеро Младост предизвикуваат најголем интерес, иако јавните повици уште не се објавени. Нивната намена е изнајмување на простор со намена за рибарска продавница, изнајмување на плажи и подвижни шанкови на езерото.

Градежните парцели што се предмет за отуѓување во годишната програма ќе се објавуваат во турнуси и тоа во согласност со намената на земјиштето и локалитетот.

П. ПЕЧКОВ