Стотици бродови се наредија низ езерото Женева, во вид на уметничко претставување на границата помеѓу Швајцарија и Франција. Границата е долга 59 километри и се наоѓа на средина на езерото.

Проектот насловен „Кратко усогласување“ е идеја на архитектот Бастијан Марцоли од Лозана.

Организаторите рекоа дека станува збор за колективен перформанс за да се размисли за природата на границата.

Во перформансот учествуваа над 250 пловни возила, од јахти до чамци.