Литванија ќе изгради бариера на границата со Белорусија, a армијата ќе патролира за да ги одврати мигрантите, рече премиерката Ингрида Симоните, откако Белорусија одлучи да им дозволи да преминуваат во Литванија како одговор на санкциите на Европската унија.

„Ќе почнеме со изградба на дополнителна физичка бариера, која ги дели Литванија и Белорусија, што ќе биде сигурен знак и сигурна пречка за организаторите на илегалните миграциски текови“, рече Симоните на прес-конференција.