Најдобриот светски тенисер Новак Ѓоковиќ изгуби од Александер Зверев со 6:1, 3:6, 1:6 во полуфиналето на Олимписките игри во Токио и му останува борбата за утешниот бронзен медал. Ѓоковиќ се обидуваше да постигне уникатен подвиг и да стане првиот тенисер во историјата кој истовремено ги држел сите четири гренд слем титули и олимпиското злато.

Во финалето, Германецот Зверев ќе игра против рускиот тенисер Карен Хачанов, кој се наоѓа на 25. место на АТП листата.

Како и Федерер, и Ѓоковиќ нема олимписко злато во својата богата колекција трофеи, а единствениот медал му е бронзата од 2008 година.