Горан Пандев го одложи пензионирањето и го продолжи договорот со Џенова до јуни 2022. Најдобриот македонски фудбалер, кој во јули наполни 38 години, најави дека ќе донесе одлука за својата фудбалска иднина по Европското првенство, каде ги одигра последните мечеви за репрезентацијата.

Џенова е клубот во кој Пандев најдолго се задржа во својата кариера, откако ѝ се придружи во 2015 година, по краткиот престој во Турција. Претходно, тој играше во Италија и за Наполи, Интер. Лацио, Анкона и Специја.

Пандев е меѓу странските играчи со најдолг стаж во Серија А, каде што на 473 натпревари постигна 101 гол.