Рекордно голема Супермесечина вчера и денеска го осветлува ноќното небо. Не само што ова е најблиската полна Месечина во оваа година, туку според НАСА, полната Месечина сега е најблиску до Земјата од 1948. Полната месечина нема да помине толку блиску до Земјата до 25 ноември, 2034, вели НАСА.

Супермесечината се случува кога Месечината е малку поблизу до Земјата отколку вообичаено, а ефектот е највидлив кога Месечината е полна. Супермесечината е за 14% поголема и за 30% посветла отколку кога Месечината е во најоддалечената точка од Земјата, вели НАСА.