Нов в. д. директор на ВИП Арена „Борис Трајковски“ од денес е Филип Даскаловски. Тој доаѓа на местото на Александар Петровски кој минатата недела најави повлекување од функцијата. Даскаловски е назначен на функцијата на вчерашната владина седница на која се поставени в. д. директори и на Службен весник и на Управата за заштита на културното наследство. За прв човек на Службен весник е поставен Владимир Кроневски кој доаѓа од ЈП „Градски паркинг“, а Ариан Асланај е назначен за в. д. директор на Управата за заштита на културното наследство.

На вчерашната седница, како што велат од Владата, за в. д. директорка на Царинската управа е назначена Славица Кутиров, а досегашниот в.д. директор на Државниот инспекторат за животна средина Сретен Стојковски е назначен за директор на институцијата.

Ова се први именување на директорски позиции во новата Влада на премиерот Димитар Ковачевски.

А. АНТЕВСКА