Двајца пилоти на италијанските воздушни сили загинаа откако нивните авиони се судрија близу Рим за време на вежба, соопшти војската.

Авионите од типот „У-208“ се судрија кај воениот аеродром Гвидонија, околу 25 километри североисточно од Рим, по што еден од нив падна врз автомобил во тесна улица со станбени згради. Другиот авион падна во поле во кругот на аеродромот.

Според очевидците, четири авиони летале во формација кога два од нив се судриле. Властите кажаа дека нема други повредени во несреќата.

„У-208“ се лесни авиони со еден мотор кои можат да примат четворица патници, плус пилот.