Шеесет и седум годишен велешанец загина во неговиот дом утрово, откако избувнал пожар во собата во која спиел. Пожарот се случил во населба близу Железничката станица во Велес и бил пријавен во Пожарната во 5.10 часот. Пожарникарите веднаш интервенирале и пожарот бил изгаснат во 5.30 часот.

„На лице место е излезена екипа од шест пожарникари со едно возило. Затечен е пожар во разгорена форма кој за дваесет минути е изгаснат. Во куќата е пронајдено тело“,  кажа Димче Јованов командир на вод во Пожарната Велес.

На местото на настанот дошла екипа на итната помош, која констатирала дека лицето е починато.

Ова е втор случај на пожар со смртни последици за две недели во Велес.

П. ПЕЧКОВ