Непрофитна организација од Женева поставува јавни фрижидери со слободен пристап, кои може да ги користат рестораните и домаќинките, каде се остава храна која набрзо би можела да се расипе. Како на пример, ако сте купиле премногу леб или премногу зелена салата, а заминувате на одмор.

Целта е, да им се помогне на потрошувачите кои се свесни за еколошкото здравје, за зачувување на животната средина, а истовремено се помага да се намали отпадот од храна.

Непрофитната организација „Фри-Го“ постави фрижидери и полици, во вид на мини кујна, каде минувачите бесплатно можат да земат овошје, зеленчук, леб, кроасани и други расипливи производи за да ги однесат дома.

Програмата чини околу 40.000 долари годишно и е поддржана од хуманитарни организации и од градската власт. Почна пред една година, со еден фрижидер во западна Женева и сега има четири фрижидери, стратешки поставени низ градот. Петтиот е планиран при крајот на годината.

Директорката на проектот, Марин Диливо вели дека депонираната храна генерално се подигнува во рок од еден час по испораката. Од здравствени и регулаторни причини, во фрижидерите не се дозволени замрзната храна, отворени садови за храна, зготвени оброци или алкохол.

„Фри-Го“ исто така експериментира со подигнување храна со комбе од станбените згради за да им олесни на жителите да учествуваат во програмата. Отворена е и телефонска линија што рестораните можат да ја користат за да повикаат да се извади неискористената храна.

Од здравствени и регулаторни причини, во фрижидерите не се дозволени замрзната храна, отворени садови за храна, зготвени оброци или алкохол. (Фото: АП)

Диливо рече дека првиот женевски фрижидер помогнал да се спасат околу 3,2 тони храна од фрлање минатата година. Од донираната храна, само околу 3% мораше да се фрли бидејќи никој не ја земал..

Соработниците на храна од приватниот сектор – како што се рестораните или продавачите на храна – мора да се обврзат да обезбедат дека донираната храна е безбедна за јадење. Швајцарскиот закон вели дека храната по „препорачаниот датум на употреба“ може да се конзумира до една година потоа, рече Диливо.

„Фри-Го“ вели дека околу 1 милијарда тони храна се фрлаат на отпад секоја година ширум светот – искористувајќи ја енергијата и другите ресурси во процесот на земјоделство и транспорт.

„Расфрлањето храна не е само етичко и економско прашање, туку исто така ја осиромашува животната средина со ограничени природни ресурси“, велат од Комисијата на ЕУ.