Еден косовски полицаец е убиен, а еден е повреден во пукање во селото Бањска во Лепосавиќ на северот на Косово рано утрово, во првото вакво големо насилство по неколку месеци, се вели во изјавата на косовскиот премиер Албин Курти.

„Во овој момент сè уште трае пукањето со огнено оружје од различен калибар против нашата полиција“, рече Курти во објавата на Фејсбук, опишувајќи го инцидентот како терористичка акција. „Напаѓачите се професионалци со маски и тешко вооружени. Организираниот криминал со политичка, финансиска и логична поддршка од официјален Белград ја напаѓа нашата држава“, објави Курт.

Тензиите се зголемија во Косово по судирите во мај кога повеќе од 90 мировни војници на НАТО и околу 50 српски демонстранти беа повредени во северно Косово. Етничките Албанци сочинуваат повеќе од 90% од населението во Косово, а Србите се мнозинство само во северниот регион каде што се планира здружување на општини со мнозинско српско население.

Разговорите спонзорирани од ЕУ за нормализирање на односите меѓу Косово и Србија заглавија минатата недела, при што шефот за надворешна политика Жозеп Борел го обвини Курти за неуспехот да се формира асоцијација на општините со мнозинско српско население, што ќе им даде поголема автономија.