Турција подготви предлог-закон да ги тргне од улиците кучињата скитници, наведувајќи ја загриженоста од напади, сообраќајни несреќи и беснило. Оваа вест ги вознемири Турците кои сакаат животни зашто се плашат дека ќе доведе до евтаназија на многу кучиња.

Предлог-законот, кој треба да биде претставен во парламентот во наредните денови, наиде на приговори и од главната опозициска партија, која цврсто се спротивставува на уништувањето на кучињата. Активистката за права на животните Нилгул Сајар која ги ранеше бездомните кучиња е во близина на Истанбул, е една од многуте Турци со наклонетост кон околу четирите милиони турски кучиња скитници. Сајар и другите активисти велат дека властите се виновни што дозволиле да расте бројот на кучиња поради недоволното стерилизирање во последните 20 години, опишувајќи го планот како неостварлив.

„Тие велат дека ќе ги соберат кучињата од улиците, но нема капацитет да ги однесеме сите“, рече таа во засолништето што го постави за кучиња.

Провладините медиуми ги истакнаа нападите на кучиња и рекоа дека предлог-законот предвидува уништување на кучињата скитници. Истражувањето на анкетарот „Метропол“ рече дека само 2,7 отсто од испитаниците ја поддржуваат евтанизацијата.

Во Турција е широко распространета наклонетоста кон уличните животни. Едно куче, Боџи, стана добро познато како редовен патник на фериботите во Истанбул, а другото, Томи, е овековечено со статуа. Многу луѓе донираат храна и вода за кучиња и мачки.

Претседателот Реџеп Тајип Ердоган пред два дена се обиде да ги смири стравувањата од евтаназија на кучињата.

„Сакаме сите животни однесени во засолништа да бидат вдомени“, рече тој во парламентот. „Ако можеме да го постигнеме ова, мислиме дека нема да има потреба од следниот чекор“.

Но, задачата е огромна во однос на просторот за засолниште, стерилизација и наоѓање домови за кучиња.

Општината во Истанбул има кампања за сместување бездомни кучиња и ветеринарот Дилара Берк во центар за рехабилитација на животни рече дека има зголемен интерес за нејзината работа.

Ердоган рече дека владата реагира на поплаките за кучињата скитници. Тој во декември зборуваше за потребата да се дејствува  откако 10-годишно дете беше сериозно повредено од кучиња скитници во Анкара. Момчето беше отпуштено од болница три месеци подоцна, а неговиот татко Халил Јилмаз рече дека неговиот син сè уште е на секојдневно лекување и дека ќе има уште една операција во јули.

„Не сакаме кучиња скитници на улиците. Напаѓачите, оние со беснило и други болести треба да се успијат“, рече тој. „Јас сум против евтаназија на нормални, здрави кучиња“, рече тој, велејќи дека тие треба да се чуваат во засолништа.

Просечно 260.000 кучиња беа стерилизирани годишно во последните години во Турција, што не е доволна бројка за трајно решение.