Професор д-р Марија Срцева од денес е нова директорка на Клиниката за трауматологија, ортопедски болести, анестезија, реанимација и интензивно лекување и Ургентен центар (ТОАРИЛУЦ), соопшти Министерството за здравство. Од Министерството велат дека министерот Арбен Таравари денеска постави нови директори на уште три болници.
Д-р Берат Лена е нов директор на Специјализирана болница за нефрологија-Струга. За директорка на Универзитетскиот стоматолошки клининички центар „Св. Пантелејмон“ именувана е проф. д-р Цветанка Бајрактарова, а на Универзитетскиот институт за клиничка биохемија е д-р Николина Гроздановска.
