Пет години откако „Џокер“ го освои Златниот лав на филмскиот фестивал во Венеција, режисерот Тод Филипс се враќа со продолжението. „Џокер: Лудило за двајца“ ќе игра во конкуренција за Златен лав со уште 20 филмови, соопшти денеска директорот на фестивалот Алберто Барбера. Во многу очекуваното продолжение на блокбастерскиот стрип-филм играат Хоакин Феникс како ментално болниот Артур Флек и Леди Гага како Харли Квин.
Во селекцијата во и вон конкуренција на 81-то издание на фестивалот се и нови филмови во кои глумат Бред Пит, Џорџ Клуни, Анџелина Џоли, Никол Кидман, Даниел Крег и Џуд Ло.
Во конкуренција за Златиот лав се и филмот на Пабло Ларен за Марија Калас „Марија“, со Анџелина Џоли во главната улога; „Сè уште сум тука“ на Валтер Салјес; еротскиот трилер „Бејбигрл“ со Кидман и Харис Дикинсон од режисерката Халина Рејн; „Квир“ на Лука Гвадањино по роман на на Вилијам С. Бароус со Крег и Џејсон Шварцман; и првиот англиски филм на Педро Алмодовар „Соседна соба“, со Џулијан Мур и Тилда Свинтон.
„Редот“, криминалистичкиот трилер на Џастин Курзел од 1980-тите за белата супрематистичка група во која Џуд Ло ги глуми агентот на ФБИ, со Николас Хулт и Џурни Смолет, исто така ќе биде во конкуренција, како и „Бруталистот“ на Брејди Корбет, со Адриен Броди, Гај Пирс, Фелисити Џонс и Џо Алвин. Снимен на 70 мм, 215-минутниот еп зборува за Унгарец преживеан од Аушвиц кој оди во САД. Тука се и новите филмови на италијанскиот ветерна Џани Амелио и на грчката режисрка Атина Рејчел Цангари.
Со жирито за Златен лав претседава Изабел Ипер, a членови се Џејмс Греј, Ендрју Хеј, Агњешка Холанд, Клебер Мендонса Фиљо, Абдераман Сисако, Џузепе Торнаторе, Јулија фон Хајнц и Жанг Зији.
Пит и Клуни повторно ќе се обединат во „Волци“ на Џон Вотс, адреналинска акциона комедијаш што ќе игра вон конкуренција.
Неколку интересни филмови ќе играат во дополнителната програма на Хоризонти се „5 септември“ со Питер Сарсгард, за тв пренос на Олимпијадата во Минхен, „Кралот Слонова коска“ на Џон Сваб, со Бен Фостер и Џејмс Беџ Дејл; и филмот на Алекс Рос Пери за калифорнискиот рок бенд „Пејвмент“ на Стивен Малкмус.
81-то издание започнува на 28 август, со светската премиера на „Битлџус, битлџус“ на Тим Бартон, а се очекува целата главна актерска екипа во која е и Мајкл Китон, да помине на црвениот тепих. Филмскиот фестивал во Венеција ќе трае до 7 септември.
