Единствениот музеј на пингвини во Германија ја продава својата колекција, за која вели дека е најголема од ваков вид во светот, пред да се затвори на почетокот на ноември. Сопствениците на музејот, брачниот пар Биргит Берендс и Стефан Кирхоф, собираат реквизити за пингвини веќе 30 години. Го водат музејот од 2009, но решија да го затворат.

„Имаме и дневни работни места, а тоа само не јаде. Немаме одмор за викенд 15 години. Немавме шанса сериозно да се одмориме 15 години“, велат тие.

Музејот во приморскиот град Куксхавен на германското крајбрежје на Северното Море може да се пофали со голема колекција на предмети на тема пингвини, вклучувајќи меки играчки, вратоврски и чаши. Но, ова е само дел од колекцијата на парот од вкупно над 26.000 предмети, од кои повеќето се во нивниот дом или складирани во изнајмен магацин.

„Колекцијата никогаш нема целосно да се распушти, но ќе биде масивно намалена за повторно да изгледа нормално дома“, рече Берендс и додава дека има некои парчиња од кои никогаш нема да се раздели. „На пример, овде има калап за бисквити што никогаш нема да излезе од нашата куќа. Тоа е тотално кич, но има посебно место во моето срце“, рече таа.

Музејот треба да биде затворен на 3 ноември. До 9 ноември, љубителите на пингвини можат да купат предмети од колекцијата во специјална распродажба, која исто така се одржува онлајн преку онлајн продавницата на музејот.

„Веќе се продадени доста артикли, беше лудница во првиот пола саат“, рече Берендс по почетокот на распродажбата.