Северна Кореја започнала да испраќа војници да се борат со Русија против Украина, објавија јужнокорејските разузнавачи, што доаѓа ден откако Володимир Зеленски предупреди дека 10.000 војници од Северна Кореја наскоро би можеле да се вклучат во војната.

Претседателот на Јужна Кореја, Јун Сук Јеол, кажа дека меѓународната заедница мора да одговари на ова со сите расположиви средства.

Според шпионската агенција на Јужна Кореја, во Русија веќе пристигнале 1.500 војници од Северна Кореја, а конечната бројка би можела да биде до 12.000.

Веќе има докази дека Северна Кореја ја снабдува Русија со муниција и проектили и Зеленски кажа дека директното вклучување на трета страна би можело да го претвори конфликтот во светска војна.

Москва и Пјонгјанг ги продлабочија односите во изминатите месеци, но Кремљ негираше дека досега имало трансфер на муниција од Северна Кореја.

„Според нашите разузнавачки информации, Северна Кореја веќе испратила тактички персонал и офицери во Украина. Таа се подготвува да испрати 10.000 војници да се борат со Русија. Тоа би бил првиот чекор кон светска војна“, кажа Зеленски.