Директорот на Државното средно музичко училиште „Сергеј Михајлов“, Горан Кавраков, поднесе оставка на функцијата. Кавраков оставката ја доставил до Министерството за образование, а ја објавил и пред наставничкиот колегиум.

Кавраков не наведува посебно образложение за оставката, но во тој контекс само ни изјави дека главен проблем е оти како директор на државно училиште морал да бара бројни согласности, најмногу за вработување нови и млади стручни кадри, а бил одбиван или не добивал одговори.

Кавраков беше над 6 години директор на средно музичко училиште во Штип, а од последниот мандат има уште 2 години. Вли дека оценил оти можеби подобро е за училиштето да си даде оставка. Тој има магистура за саксофон и е професор за овој инструмент во училиштето.

Во ова училиште во Штип досега музичкото образование го оформиле голем број реномирани музичари кои сега работат и творат во повеќе образовни центри во земјата и светот. Оваа година се запишани 130 средношколци и над 300 во основно музичко образование, претежно од Штип, но има голем број и од другите градови во Македонија.

Последниот концерт што го организираше Кавраков како директор беше во септември, на кој настапи заедно со колегите професори.

Т. ЈОВАНОВСКИ