Претседателот на САД Доналд Трамп изјави дека би сакал Јордан, Египет и другите арапски земји да го зголемат бројот на палестинските бегалци што ги прифаќаат од Појасот Газа, потенцијално иселувајќи доволно население за „само да ја исчистат“ областа зафатена од војна заради нов почеток.

Трамп исто така рече дека ja прекинал забраната на неговиот претходник Џо Бајден за испраќање бомби од еден тон во Израел. Тоа го тргна притисокот наменет за намалување на цивилните жртви за време на израелската војна со Хамас во Газа, која сега е запрена со кревок прекин на огнот. На прашањето зошто ја укина забраната за тие бомби, Трамп одговори: „Затоа што ги купија“.

Трамп ја изгради својата политичка кариера околу тоа да биде целосно про-Израел. За неговата поголема визија за Газа, Трамп рече дека дента зборувал со кралот Абдула Втори од Јордан и дека денеска ќе разговара со претседателот Абдел Фатах ел-Сиси од Египет.

„Би сакал Египет да земе луѓе“, рече Трамп.

Трамп рече дека му дал комплименти на Јордан што успешно ги прифатил палестинските бегалци и дека му рекол на кралот: „Би сакал да преземете повеќе, бидејќи во моментов го гледам целиот Појас Газа и тоа е хаос. Тоа е вистински хаос“.

Таквото драстично раселување на луѓето отворено би се спротивставило на палестинскиот идентитет и длабоката поврзаност со Газа. Сепак, Трамп рече дека делот од светот што ја опфаќа Газа „имал многу, многу конфликти“ со векови. Тој рече дека преселувањето „може да биде привремено или долгорочно“.

„Нешто мора да се случи“, рече Трамп. „Но, тоа е буквално место за уривање во моментов. Скоро сè е уништено, а луѓето умираат таму“. Тој додаде: „Значи, повеќе би сакал да се вклучам со некои од арапските земји и да изградам станови на друга локација, каде што можеби за промена ќе живеат во мир “.