На продолжението на судскиот процес за убиствата на Вања Ѓорчевска и Панче Жежовски се презентираа снимки од 27.11.2023 година од автомобилот „ситроен” на тогаш веќе убиениот Панче од Велес, еден час пред грабнувањето на Вања, како врти кон зградата во која живее таа.

Осум видеа се презентираа. Три снимки беа обезбедени од хотелот „Сити Парк“ во близина на зградата, каде што живееше Вања Ѓорчевска. Камерите се поставени на хотелот, кон паркингот, т.е. гледаат кон зградата.

Реалното време на снимките од хотелот е 6.37 часот. Во видеото од еден час, во неколку секунди се виде како поминува „ситроен“ покрај хотелот Сити Парк и врти надесно.

И на другото видео, од друга камера исто така од хотелот „Сити Парк“ и од истиот паркинг, се гледа како во 6.37 часот возилото „ситроен“ веќе свртува во десно, подзапира и потоа продолжува со движење право по паркингот, кон зградата на убиеното дете. На крајот на паркингот е зградата на Вања.

Во третото видео се гледа како „ситроенот“ врти токму на аголот на свртување кон зградата на Вања.

На минатото рочиште беше прикажано видеото со движење на колите „ситроен” и „рено кангу” до моментот кога влегуваат во Дебар Маало, до улицата „Наум Наумовски Борче”, откај што е киднапирана Вања.

Потоа обвинителките прикажаа запис и од фризерски салон спроти зградата на Вања, каде што се гледа дека во 7.29 часот и 29 секунди, непосредно пред грабнувањето на девојчето, помина „ситроенот”, со Вања во него.

Ја грабнале во 7.20 часот, ја ставиле во гепек.

Потоа следуваше снимка од менувачница пред зградата на Вања, на која што се гледа дека во 7.30 поминува „ситроенот”.

Потоа следуваше блок видеа од движење на возилото по булевар „Партизански одреди”, веднаш по грабнувањето.

Во 7.33 часот тоа врти кон улицата „Рузвелтова”. Тоа е возилото на Жежовски, на снимката се виде и велешката регистрација ВЕ2931АД.

Потоа кај објектот „Мида“, на „Илинденска“ се гледа како во 7.37 часот застанува на семафорите во третата десна лента, за накај Момин Поток. Продолжува по булевар „8 Септември”.

Се гледа дека на совозачкото место има лице и дека на задното седиште има лице кое се движи лево-десно, односно, дека во „ситроенот” има три лица (обвинетите Влатко Кешишев, Боре Видевски и Велибор Манев).

Во 7.42 часот, возилото со Вања е на снимка пред хотелот „Александар Палас”. Истата велешка регистрација, три лица внатре.

Во 7.43 часот “ситроенот” наближува на кружниот тек за накај Момин Поток.

Презентацијата на видеоснимките од неполни три часа пред свирепото убиство на 14-годишната Вања Ѓорчевска од страна на првообвинетиот Љупчо Палевски, продолжува по паузата.

С. К. ДЕЛЕВСКА

• ОД КАМЕРИТЕ НА „БЕЗБЕДЕН ГРАД“ СЕ ГЛЕДА КАКО ВОЗИЛОТО СО КОЕ Е ГРАБНАТА 14-ГОДИШНАТА ВАЊА ЃОРЧЕВСКА ПРЕКУ ПАРКИНГОТ КАЈ ХОТЕЛ „СИТИ ПАРК“ СЕ ПАРКИРА ПРЕД НЕЈЗИНАТА ЗГРАДА, ПОКАЖА ОБВИНИТЕЛСТВОТО
• ВАЊА КЛЕЧЕЛА НА КОЛЕНА КОГА Ѝ БИЛО ПУКАНО ВО ГЛАВАТА ОДЗАДИ, ЧИТАШЕ ОБВИНИТЕЛСТВОТО ДОКАЗИ ВО СУД
• НА КАМЕРИТЕ ОД „БЕЗБЕДЕН ГРАД“ МАЖ КОЈ ЛИЧИ НА ПАЛЕВСКИ ГО ВОЗЕШЕ „РЕНОТО“ КОЕ БЕШЕ НА МЕСТОТО КАДЕ БЕШЕ ЗАПАЛЕН „ЦИТРОЕНОТ“ СО КОЈ БЕШЕ ГРАБНАТА ВАЊА, КАЖА СВЕДОК ОД МВР
• ПАЛЧО МИ ГО ДАДЕ ПИСМОТО СО СМЕНЕТА ИЗЈАВА ДЕКА НЕ ЈА УБИЛ ВАЊА ДА ГО НАПИШАМ СО МОЈ РАКОПИС, РЕЧЕ КЕШИШЕВ
• КУМАШИНКАТА НА СЕМЕЈСТВОТО ЃОРЧЕВСКИ, КИРАЦА ТРАЈКОВСКА, СВЕДОЧЕШЕ КАКО ТАА ПРВА ГИ ПОВРЗАЛА ИСЧЕЗНУВАЊАТА НА ПАНЧЕ И НА ВАЊА
• ВЕДНАШ ШТОМ ДОШОЛ ВО ТУРЦИЈА, ПАЛЕВСКИ Ѝ КАЖАЛ НА НАШАТА ПОЛИЦИЈА ДЕКА Е ТАМУ ПРЕКУ ТЕЛЕФОНОТ НА АДВОКАТОТ
• ПРИЈАТЕЛИ НА ПАЛЧО СВЕДОЧЕА ДЕКА ВО НЕГОВАТА СПАЛНА СОБА ВИДЕЛЕ ЦРН ПИШТОЛ ВО ФУТРОЛА И РАДИОСТАНИЦИ ЗА КОМУНИКАЦИЈА
• ВЕЛИБОР И БОРЕ РЕКОА ДЕКА ТАТКОТО НА ВАЊА МУ КАЖАЛ НА ПАЛЧО КОГА ДЕВОЈЧЕТО ЌЕ ИЗЛЕЗЕ САМО, СВЕДОЧЕШЕ ПОЛИЦИСКИ НАЧАЛНИК
• КОГА ЈА НАЈДОВМЕ ВАЊА, РАЦЕТЕ И НОЗЕТЕ Ѝ БЕА ВРЗАНИ СО СТЕГА, А НА УСТАТА ИМАШЕ ЛЕНТА, СВЕДОЧИ ПОЛИЦИСКИ НАЧАЛНИК
• ВЕЛИБОР НИ КАЖА ДЕКА ПАЛЕВСКИ ПУКАЛ СО ПИШТОЛ ВО ТИЛОТ НА ПАНЧЕ, СВЕДОЧЕШЕ ЕКСНАЧАЛНИКОТ НА СВР ВЕЛЕС