На половина час пред затворањето на избирачките места, излезноста на територијата на цела Македонија е 40,45%, кажа ДИК.

Од вкупно 1.013.357 избирачи кои имаат право на глас и обработени 987,174 гласачи, гласале 399.319 граѓани.

Во вториот круг од локалните избори се избираат градоначалници во 32 општини и во Градот Скопје. Право на глас имаат 1.013.375 граѓани на 1.771 избирачко место.

Сарај и Чаир се општини со најмала излезност со 11,45%, односно 13,7%, додека најголема излезност до половина час пред затворањето на избирачките места, е во Росоман 77,51%.