Утрово е извршен хакерски напад на Зоолошката градина во Скопје. Како што велат за САКАМДАКАЖАМ.МК вработени во градината, утрово кога дошле на работа увидено е дека системот е нападнат и сите податоци се избришани.
Од Министерството за внатрешни работи (МВР) велат дека во моментов се врши увид во Зоолошката.
„Во Секторот за компјутерски криминал при МВР пријавено е дека има хакерски напад на системот во скопската Зоолошка градина. Се преземаат мерки за расчистување на случајот“, велат од МВР.
Во скопската Зоолошка градина вчера за в. д. директорка беше поставена Катерина Костова, која е вработена во Правниот сектор.
- КАТЕРИНА КОСТОВА Е НАЗНАЧЕНА ЗА В. Д. ДИРЕКТОРКА НА СКОПСКАТА ЗООЛОШКА ГРАДИНА
- СТЕВО ЌИРКОВ УШТЕ НЕИМЕНУВАН ЗА ДИРЕКТОР НА СКОПСКАТА ЗООЛОШКА ЗАКАЖУВА СОСТАНОЦИ СО ВРАБОТЕНИТЕ
А. АНТЕВСКА
