Русија ги активираше воздушните напади врз Украина по завршувањето на тридневното примирје, при што загинаа девет луѓе, а најмалку 28 се повредени.

Најтешко беше погоден централниот регион Днипро, каде што загинаа осум луѓе, а уште едно лице загина во Доњецк. Вкупно, 14 региони биле нападнати.

Володимир Зеленски утрово кажа дека повеќе од 100 дронови летаат над Украина и се очекуваат уште напади во текот на денот. Во исто време, руските власти објавија дека украинските дронови ноќеска погодиле постројка за преработка на гас и уште два индустриски објекта.

Украинските воздухопловни сили кажаа дека Русија лансирала 139 дронови во изминатите 24 часа, од кои 111 биле соборени.