Силното невреме кое вечерва ја зафати Битола создаде реки низ битолските улици. Голем дел од коловозите беа поплавени, а на одредени крстосници во центарот на градот се создадоа езера.

Ризично беше и пред Безистенот во строгиот центар каде возилата беа до половина во надојдената вода.

(Фото: СДК.МК)

Реки се слеваа од повисоките делови на Битола кон пониските. Сообраќајот тешко се одвиваше, а дел од битолчани останаа заглавени низ улиците неможејќи да си дојдат во домовите.

Во вода пливаа и сообраќајниците во населбите Стрчин и Карпош.

Прокапе и таванот во Безистенот каде се одржуваше настан од јавен интерес, а поради невремето за подоцна беа одложени и други настани.

Ж. ЗДРАВКОВСКА