Европската комисија порача дека е направен прогрес во подготовките за изборите, но нагалсува дека има уште работа што треба да се заврши за да се обезбедат веродостојни избори.
Маја Коцијанчич, портпарол на Европската комисија изјави дека треба да продолжи со исполнување на договорот од Пржино, и на сроведувањето на итните реформи.
“Во интерес на државата, пред сè на нејзините граѓани, е да се реши политичката криза. Се надеваме дека политичките партии ќе останат посветени на оваа амбиција, на оваа цел и на тоа што беше договорено, особено на тоа што се однесуваше на изборите, како и на реформските приоритети кои се, пред сè, во интерес на државата и на нејзиниот народ”, рече Коцијанчич.