Премиерот Христијан Мицкоски вели дека политиките на Владата довеле раст на економијата за 3,5 проценти, што е за два проценти повеќе од растот во Европската Унија. Тој денеска одговарајќи на новинарско прашање кажа дека кредитот кој Владата го зеде од Унгарија бил добар двигател но економијата и довело до пораст на бруто домашниот производ.

„​Ако го анализирате третиот квартал 2024 година, којшто е прв наш квартал како Влада, заклучно со првиот квартал од 2026 година, ќе дојдете до заклучок дека македонската економија расте со 3,5% во реални параметри, додека пак кај нашиот најголем трговски партнер, а тоа е Европската Унија, порастот на економијата е околу 1,4%, а порастот на економијата во еврозоната е около 1,25%. Што значи дека во услови кога нашиот најголем трговски партнер економијата условно расте со два и пол пати помала стапка, ние благодарение на овие проактивни политики успеавме да обезбедиме значаен раст којшто нè доведе до оваа ситуација во којашто денеска сме, а во номинални услови нашата економија расте со над над 8%, што е нешто исто така многу значајно. ​И да бидам попрецизен, според Светска банка и според Меѓународен монетарен фонд, за две години оваа Влада номиналниот бруто домашен производ го зголеми за некаде отприлика 4,65 милијарди долари. Претходната Влада за 6 години го зголеми номиналниот бруто домашен производ за 4,5 милијарди долари“, рече Мицкоски при посетата на Општина Илинден.

Премиерот кажа дека владините мерки и владината иницијатива за привлекување  на туристи дале одлични резултати оваа година.

„Имаме голем скок кај доаѓањата на на нашите аеродроми и тоа впрочем го нотира Светска банка извештајот објавен во јуни, каде ја рангира Македонија како прва земја во Европа по зголемениот процент на доаѓања на гости и зголемениот процент на на странски доаѓања и преноќувања, нешто што за нас е навистина импресивно. Тој процент е 40% споредено со претходната со претходната година и тоа е за нас големо признание, посебно што тоа учествуба во БДП и јас очекувам тоа да се забележи во вториот квартал од годинава“, рече Мицкоски.