Пионерите на транс музиката, диџеите Пол ван Дајк и Пол Окенфолд, ќе настапат во Струмица на 16 август во Градскиот парк, како дел од манифестацијата „35 години независност на Македонија“ која започнува на празникот 2 Август-Илинден во Битола, а завршува на Денот на независноста, 8 Септември во Скопје.
Настанот ќе биде од отворен карактер и со слободен влез, соопштиja Бобан Милошески од „Авалон продукција“ и портпаролката на Владата Марија Митева на денешната прес-конференција во Струмица.
Прславата на 35 години независност ќе кулиминира со настапот на Дејвид Гета на 8 септември на стадионот „Тоше Проески“, по музичкиот спектакл на 1 септември на Плоштадот Македонија во Скопје на кој главна ѕвезда ќе биде шпанскиот тенор Хозе Карерас.
Владата претходно објави дека се подготвува и мјузикл со учество на над 100 уметници во склоп на прославата на 35 години независност на Македонија. Тој ќе се изведе во 15-ина градови низ земјава во текот на август и септември, а неговиот идеен творец и режисер е Дејан Пројковски.
Владата и „Авалон продукција“ сѐуште немаат објавено колку ќе чини прославата.
